طبعا القصة منقووووولة من منتدى الزعيم
( القصه )
طبعاً امس قبل مباراة الزعيم والغرافه كنت مودي ابوي مشوار..
على الهايلكس الـ 93 حقته وانا اسوق وامي راكبه ورى ومعنا في حوض السياره شاه (نعجه) مودينها لخالي اللي نازل في بيته الجديد..
وفجأة وحنا نسولف اتصل علي واحد من الربع يسألني عن شعوري تجاه المباراة وتوقعاتي.. ومن ذا السوالف اللي ما تخفاكم قبل مباريات الهلال.. وبوي وامي قاعدين يسمعون.
ويوم قفل الرجال
قال ابوي: منهي مباراته اللي ذليل؟
قلت: مباراة بين الهلال وفريق قطري (طبعاً هو ما يعرف اغلب الانديه السعوديه عشان اقول له الغرافه)
وكنت متوقع انه يعلق على الموضوع كالعاده ويقول ( عساهم ما يفوزون عشان يرفع ضغطي ولأن اكره شي عنده هي الكوره) حتى لو كان اللي يلعب هو المنتخب.
((((ولكن المفاجأة حصلت))))
ابوي انا... ولأول مره في التاريخ قال: اما اذا هو الهلال فعساه يفوز!!!
طبعاً انا ذهلت من هذا التعليق...
وش ذا الوطنيه والولاء اللي نزلت عليه من السماء فجأة..
والتفت عليه..
قلت: وش معنى الهلال؟؟
قال: عشان يجيني نقاط مجانيه في الجوال..
طلع الأخ مشترك في جوال الموج الأزرق..
خخخخخخخخ
